Ангилал: Хэн нэгэнд хэрэг болж магад
5. Хөнгөрүүлэх болон хүндрүүлэх нөхцөл байдал байгаа эсэхХөнгөрүүлэх нөхцөл байдал
ЭХ-ийн Ерөнхий ангийн 55 дугаар зүйлийн §55.1-т ял хөнгөрүүлэх 10 нөхцөл байдлыг зааж өгсөн бөгөөд тэдгээрээс бодлогын нөхцөлтэй холбогдуулан шалгаж болох ганц нөхцөл нь §55.1.1 дэх хэсэгт заасан “Шүүх ял оногдуулахдаа тохиолдлын шинжтэй нөхцөл байдлын улмаас анх удаа хөнгөн, хүндэвтэр гэмт хэрэг үйлдсэн бол ялыг
хөнгөрүүлнэ” гэсэн хэсэг юм. Гэтэл “Ө”-ийн хувьд өмнө нь гэмт хэрэг үйлдэж ял тэнсэж байсан учир ялыг хөнгөрүүлэх боломжгүй юм. “С”-ийн хувьд онц хүнд гэмт хэрэг үйлдсэн учир мөн л ялыг хөнгөрүүлэх боломжгүй.
Хүндрүүлэх нөхцөл байдал
ЭХ-ийн 56 дугаар зүйлийн §56.1-т ял оногдуулахдаа хүндрүүлэх нөхцөл байдлуудыг дурьдсан байдаг. Эдгээрээс бодлогын нөхцөлтэй холбогдуулан шалгах шаардлагатайг нь авч үзье.
ЭХ §56.1.1. гэмт хэрэг давтан үйлдсэн
Эрүүгийн хуулийн нэг зүйл хэсэгт заасан гэмт хэргийг 2 буюу түүнээс дээш удаа үйлдэхийг давтан гэмт хэрэг гэдэг. “Ө” болон “С” нар өөр өөр зүйлд заасан гэмт хэрэг үйлдсэн тул давтан гэж үзэхгүй.
ЭХ §56.1.2. гэмт хэрэг бүлэглэж үйлдсэн
“Ө”, “С” нар ЭХ-ийн 98 дугаар зүйлд заасан гэмт хэргийг бүлэглэж үйлдсэн тул ял оногдуулахдаа хүндрүүлэх нөхцөл байдал болгоно.
ЭХ §56.1.10. согтуурсан буюу мансуурсан үедээ гэмт хэрэг үйлдсэн.
Бодлогын өгөгдөлд тэднийг архи ууж байгаад зодолдсон, мөн архи авахаар дэлгүүр орсон гэж байгаагаас үзвэл согтуу байсан байна.
ЭХ §56.1.12. шүүхийн шийтгэх тогтоол биелүүлэхийг хойшлуулсан буюу ялыг тэнсэж хянан харгалзсан хугацаанд, эсхүл ялтай байхдаа гэмт хэрэг дахин үйлдсэн.
“Ө” нь 2006 оны 6 сард шүүхээс 2 жилийн тэнсэнгийн ялаар шийтгүүлээд тэнсэнгийн хугацаандаа буюу ялтай байхдаа дахин 2006 оны 9 сард гэмт хэрэг үйлдсэн тул энэ нь хуулийн дээрх хэсэгт заасны дагуу ял оногдуулахдаа хүндрүүлэх нөхцөл байдал болгон авч үзнэ.
Бичсэн: tengis (зочин)
чи мундаг маргахгүй би ичиж байна өөрөөсөө
Бичсэн: 
